Sessiónés

Circulus Latínus Londiniénsis bis in ménse convenit, nempe (ceterís paribus) prímó cujusque ménsis Jovis diéet tertió cujusque ménsis Martis dié. Quáque sessióne proximae sessiónis magistrum eligimus, quí deinde rem locumque sessiónis ejus eliget. Quívís, quamlibet linguæ Latínæ imperítus, laeté excipitur ut quantumcumque velit vel loquendó vel tantum auscultandó intersit.

Málumus conveníre in locum quí foveat convíválem aditum ad húmánitátem cujus omnés possint participáre, nempe in domum publicam - síc enim appellant Anglí tabernás - quamquam interdum in aliós locós sícut ínstitúta académica convenimus. Saepe legimus conjúnctim disceptámusque scriptaque Latína, vel aliquandó pelliculás vidémus, praetereá magná júcunditáte omnibus dé rébus Latíné loquí solémus quás animum nostrum alliciunt dum cervesiæ sextariós - ut fit apud Britannós - bibimus vel cénámus; sæpe etiam cum prope assidentibus sermónés cónserimus quí mírantur quánam linguá tam alacriter loquámur. Facta disceptátaque nostra vidére potés acta sessiónum priórum nostrárum ínspiciendó.

Proximum conveniémus:

Jovis dié 2 Septembris 2010
hórá 6·30 pm
in locó nóndum certó

Martis dié 21 Septembris 2010
hórá 6·30 pm
in locó nóndum certó